零件常見問題

係。維修兵團換嘅零件都係全新原廠零件，唔用二手件或者翻新件。

好舊嘅型號偶然要用二手拆機件或者副廠代用件，呢個情況好少，報價會先寫明，你同意先會用。

同一款零件有前期、後期之分，外觀未必同你舊嗰件一樣，但係啱你部機用嘅。換落嚟嘅舊零件會留返畀你。

有啲係，但唔只香港代理。常用零件我哋長期由海外直接採購，其他零件就喺香港代理買；兩邊都係全新原廠零件。

香港代理有時好快停售某啲型號嘅零件。多一條海外渠道，舊型號都較有機會搵到零件。

單睇零件外表好難分。好多洗衣機零件唔係品牌自己生產，而係由代工廠做，所以零件上面通常冇品牌標誌；同一款零件仲有前期、後期，外觀可以唔同。

你可以咁樣核實：

• 換落嚟嘅舊零件會留返畀你，可以同新嗰件對比。
• 師傅每張單都影相拍片，想睇可以問師傅要。
• 完成後公司會審核每張單，確認換嘅零件真係需要換。

唔係。大部分洗衣機零件由代工廠生產，唔係品牌自己整，所以零件同包裝上面好多時冇品牌 Logo，甚至印住幾個牌子。

同一間代工廠嘅零件，好多時幾個品牌都用得，好似手機入面好多零件都係其他公司生產咁。我哋用嘅係全新原廠零件；真係要用副廠代用件，報價會先寫明，你同意先會用。

師傅會按報價帶最有可能用到嘅零件，大部分情況可以即場換好。

不過同一型號嘅洗衣機，零件有時有前期、後期或者唔同批次，上門前未必確認到。師傅到場核對後手上零件唔啱，唔會勉強裝，會先核實正確零件，再約時間換。之後再上門，唔會再收上門檢查費。