收費常見問題

唔使換零件都會收維修費，因為師傅都要檢查、搵出原因再處理，例如拆機清理排水系統。收幾多視乎牌子、型號同工序，冇劃一價。

報價會列出師傅上門後可能遇到嘅幾個情況同各自費用。整好咗就收嗰項維修費，唔會另外再收上門檢查費。

成功維修就唔收上門檢查費，只收報價列明嗰項維修費。只有師傅檢查後整唔到，或者你決定唔整，先會收上門檢查費。

上門檢查費按牌子、型號同故障難度而定，報價會寫明。喺 WhatsApp 傾嘅時候已經睇得出整唔到，我哋會直接話你知，唔使白白畀上門檢查費。

師傅未到之前取消預約，唔收費。

有冇優惠，以你收到嘅報價為準；有適用嘅優惠，會直接寫喺報價入面。

你之前嘅維修紀錄我哋會保留，再搵我哋唔使由頭講。部機仲喺保用期內，同一個問題免費上門檢查，另一個問題亦有保用期內優惠價。

一般唔會。只有以下情況有附加費：

• 唐樓冇𨋢，要行樓梯上三樓或以上；
• 落車後要行好長嘅斜路、樓梯或者山路；
• 大廈部𨋢當日壞咗，師傅要抬工具行樓梯。你肯幫手搬上同搬落，可以免收。

預約時講低樓層、有冇𨋢同點樣去，知道嘅附加費報價時會先講明；𨋢臨時壞咗，亦會先同你講清楚先收。

村屋大多唔使。唐樓冇𨋢就有附加費：三至五樓 +$100，六至八樓 +$200，九樓或以上 +$300。

唐樓樓層按實際要行嘅層數計：地下當唐一樓，一樓當唐二樓，如此類推。村屋只有落車後要行好長嘅斜路或者樓梯，先可能有附加費。

預約時講低地址、樓層同有冇𨋢，報價會寫明實際金額。

因為上門檢查費按牌子、型號同故障而定。唔同故障，檢查要拆嘅位置同要用嘅時間都唔同，所以每次可以唔一樣。

成功維修就唔收上門檢查費；只有整唔到或者你決定唔整，先會收。每次嘅金額都寫喺報價入面。

唔係。清理排水系統係一項維修，有自己嘅收費。師傅唔只清過濾器，仲要檢查同清理缸底喉同排水喉，好多時要拆機，再試排水泵正唔正常。清理排水系統有一個月保用。

叫師傅之前，可以自己試：熄機拔插蘇，喺過濾器下面放毛巾或者盤接水，逆時針慢慢扭開過濾器，清走頭髮、硬幣等雜物。扭唔郁就唔好夾硬拉，整斷過濾器蓋會令維修更麻煩。