保用常見問題

直接喺之前同我哋傾開嘅 WhatsApp 講就得，唔使重新落單。我哋會睇返上次整咗咩、幾時整，計返係咪仲喺保用期內。

講低而家見到嘅情況，最好附相或者短片，例如有冇故障碼、邊度漏水。保用期內同一個問題，免費上門檢查；師傅確認同上次維修有關，就免費整返好。

換咗電話號碼，講低舊號碼或者影低上次收據就得。邊啲情況唔包，見保用唔包嘅情況。

有換零件嘅維修保用三個月；冇換零件嘅維修，例如清理排水系統、清理內膽異物，保用一個月。保用期由維修完成嗰日計，以報價同收據所列為準。

保用期內同一個問題再出現，我哋免費上門檢查；確認同上次維修有關，就免費整返好。

機門、門框、門膠邊、門把手、門鉸、門勾呢類零件，保用只包安裝問題；之後再爛唔包免費更換，但可以用優惠價再換。其他唔包嘅情況見保用唔包嘅情況。

雪櫃有換零件嘅維修保用三個月，由維修完成嗰日計，以報價同收據所列為準。保用期內同一個問題，免費上門檢查；確認同上次維修有關，就免費整返好。

整完頭 12 至 24 個鐘，櫃內溫度未穩定，盡量少開門。詳情見整好後幾耐回復正常溫度。

即係今次嘅故障同上次維修嗰個係同一樣：症狀一樣、位置一樣，同上次換嘅零件或者做嘅工序有關。例如：

• 上次「有燈但唔入水」，今次都係有燈唔入水，係同一個問題；今次連燈都唔著，就係唔同問題。
• 上次唔排水、機入面有積水，今次唔脫水但水排得走，係唔同問題。
• 上次換門膠邊整好漏水，今次漏水位喺入水喉，係唔同問題。

WhatsApp 睇唔出係咪同一個問題，我哋會先免費上門檢查，由師傅確認。係另一個問題嘅話，保用期內有優惠價。

唔係全部。保用期內同一個問題，免費上門檢查；確認同上次維修有關，就免費整返好。

如果係另一個問題、同上次維修無關，會另外報價，不過保用期內有優惠價。判斷唔到係咪有關，我哋都會先免費上門睇。

部份情況保用唔包，見保用唔包嘅情況。

保用期內同一個問題再出現，我哋會先免費上門檢查。如果要換另一件零件，或者再上門都整唔好，師傅確認實際情況之後，公司會按個案同你商量點處理。保用期內最好留住換落嚟嘅舊零件。

保用包嘅係上次維修嗰個問題。以下唔包：

• 同上次維修無關嘅另一個故障；不過保用期內有優惠價。
• 機門、門框、門膠邊、門把手、門鉸、門勾呢類零件再爛：保用只包安裝問題，再爛可以用優惠價再換。
• 其他令保用失效嘅情況，見保用唔包嘅情況。

判斷唔到係咪同上次有關，我哋會先免費上門檢查。

以下情況，保用會失效或者唔包：

• 已經過咗收據寫明嘅保用期；
• 保用期內，部機俾其他師傅檢查、拆過或者改裝過；
• 用錯方法、疏忽或者人為損壞；
• 機門、門框、門膠邊、門把手、門鉸、門勾呢類零件再爛（保用只包安裝問題）；
• 意外損壞，例如淋雨、水浸、蟑螂老鼠入機，或者寵物咬斷電線；
• 同上次維修無關嘅另一個故障。

唔肯定屬唔屬保用，WhatsApp 講低情況同附相，我哋會先幫你睇。