推薦主要聯絡途徑
同 Fixes Baby 傾
- 1講低部機咩事Fixes Baby 問清楚，仲會畀連結卡片你睇多啲資料
- 2報價準備好如果順利，幾分鐘就有
- 3撳一個掣報價即刻發去你嘅 WhatsApp
- 4客服跟進喺 WhatsApp 幫你落單、安排上門
撳呢度就開始唔使等人聽電話，對話留低，隨時返嚟接住傾。
洗衣機常見問題
洗衣機不會轉動
部機有著燈、入咗水，但洗衣時個滾筒一直唔郁，衫浸住都洗唔到。可能係帶動滾筒嘅零件出問題，亦可能同排水有關，唔能夠單憑唔轉就判斷壞邊樣。
近似字眼 洗衣機無法轉動、洗衣機洗唔乾淨、洗衣唔夠力
可以揀多個情況，揀咗會記低
洗衣機「不會轉動」，通常係邊啲零件
按我哋嘅維修經驗估計，「不會轉動」最常係以下零件出事；百分比係約數，唔代表你部機一定要換。撳入去睇零件喺邊、壞咗會點。
- 摩打碳刷約 30%摩打碳刷磨蝕，摩打接觸唔良就帶唔郁內膽。
- 皮帶約 23%皮帶斷裂或甩咗，摩打就帶唔郁內膽。
- 電子板約 16%電子板控制失靈，摩打收唔到正常轉動指令。
- 摩打約 10%摩打損壞，洗衣時就無力帶動內膽。
- 電容約 8%電容老化令摩打出力不足，洗衣就轉唔郁。
- 底盤約 6%底盤滑牙或鬆脫，洗衣時就帶唔郁啲衫。
- 轉速傳感器約 4%轉速傳感器失靈，機器就可能停止轉動。
- 飛輪約 3%飛輪變形或鬆動，皮帶走位就帶唔郁內膽。
最常用嘅零件編號
屬於邊個系統
「不會轉動」有時都同呢啲系統有關：
驅動系統：啤鈴、斷軸芯同波箱 Fixes 唔做。
Fixes Baby 話你知：洗衣機「不會轉動」
Fixes Baby 話你知
手轉滾筒時，如果部機標明係變頻（Inverter）摩打，轉半圈就停係正常，唔代表斷軸芯。真係斷軸芯，維修兵團唔做，因為要成部機運返原廠，通常換新機更化算；所以先拍段手轉片 WhatsApp 畀我哋睇，唔使白白叫師傅上門。
洗衣機「不會轉動」，報價之前自己可以試
做之前記得熄機、拔插頭。試完都唔得，就撳「報價維修」。
- 分清幾時唔轉
回想部機係洗衣時已經唔轉，定係洗衣正常、到脫水先轉唔快。記低當時嘅程序同畫面提示，唔使為咗確認而反覆開機。
- 留意有冇積水
如果見到機內積水，而部機冇漏水、焦味或異響，可以按說明書揀獨立排水程序，試一次睇水位有冇下降。排唔走就停低，唔好強拉機門或扭開過濾器放水。
- 記低聲音同提示
如果之前聽到摩打聲但滾筒冇郁，或者畫面出過故障碼，可以連同型號一齊記低。已有片段就保留；有撞擊聲、焦味或滾筒歪斜就停用，唔好再試或用力推轉。
洗衣機「不會轉動」，最常做嘅維修
一個問題，通常只需要做其中一項。價錢係由幾多錢起；唔同牌子、型號會有出入，最終以師傅上門檢查為準。撳入去睇每項工序嘅細節。
前置式、上置式洗衣機6 項
日式洗衣機5 項
成功維修就唔收上門費；維修唔到，或者聽完報價決定唔整，就收上門費。
常見有「不會轉動」嘅型號
呢啲型號嘅維修紀錄入面，「不會轉動」排得好前；唔代表佢哋特別易壞。
有關洗衣機「不會轉動」嘅常見疑問
滾筒唔轉，係咪一定要換機？
唔一定，皮帶或摩打碳刷等零件出問題，都可能令部機唔轉，要按機款檢查。若確認係斷軸芯，維修兵團唔做呢類維修，會清楚交代情況。
洗衣會轉，但脫水轉唔快，都係同一個問題？
唔完全一樣，洗衣能轉但脫水上唔到高速，要另外判斷衣物平衡、避震器或摩打等方向。即使冇故障碼，都唔代表部機冇問題，唔宜直接當成皮帶斷咗。
滾筒用手轉唔順，就代表斷軸芯？
唔可以咁判斷，不同摩打設計嘅轉動阻力唔同，部分變頻機轉一小段就停可以係正常。要配合滾筒位置同其他檢查先能確認，唔好自己大力轉筒測試。
再具體啲：你部洗衣機係咪咁？
如果唔係「不會轉動」，會唔會係呢啲？
維修兵團知多啲
七條問題，一分鐘睇完
代理幾多個牌子？係客服定師傅報價？會唔會外判師傅？可唔可以今日上門？（記得開中文字幕）
再睇
我哋點做
- 唔用翻新零件換上去嘅唔係翻新貨，亦唔係拆機件。
- 舊零件交返你換落嚟嗰件交返你手，你親眼睇到。
- 自己培訓師傅唔外判，上門嘅係我哋自己跟開嘅師傅。
資料更新：
洗衣機「不會轉動」，
而家就問。
上門維修同零件銷售只限香港