推薦主要聯絡途徑
同 Fixes Baby 傾
- 1講低部機咩事Fixes Baby 問清楚，仲會畀連結卡片你睇多啲資料
- 2報價準備好如果順利，幾分鐘就有
- 3撳一個掣報價即刻發去你嘅 WhatsApp
- 4客服跟進喺 WhatsApp 幫你落單、安排上門
撳呢度就開始唔使等人聽電話，對話留低，隨時返嚟接住傾。
洗衣機常見問題
洗衣機跳掣
一插電、按開始，或者洗到一半就跳掣，洗衣機未完成程序已經停低。呢個情況可能同機內零件、線路或屋企供電有關，唔一定係漏電；先停用，唔好反覆開機試。
近似字眼 洗衣機漏電、洗衣機跳漏電斷路掣、洗衣機跳Fuse
可以揀多個情況，揀咗會記低
報價維修
由「跳掣」問起撳落去唔使再講一次，Fixes Baby 會由呢度開始問你。
發熱線浸喺水入面加熱，老化漏電就會令總掣跳；濾波器、摩打漏電都會。
加熱系統嘅零件（亮色係最常令洗衣機「跳掣」嘅）
洗衣機「跳掣」，通常係邊啲零件
按我哋嘅維修經驗估計，「跳掣」最常係以下零件出事；百分比係約數，唔代表你部機一定要換。撳入去睇零件喺邊、壞咗會點。
- 發熱線約 37%發熱線絕緣損壞，遇水或加熱時漏電跳掣。
- 焗乾發熱線約 21%焗乾發熱線漏電，會令二合一洗衣機跳掣。
- 濾波器約 16%濾波器絕緣損壞，未開始洗衫都可能跳掣。
- 摩打約 10%摩打受潮或絕緣損壞，轉動時可能漏電跳掣。
- 摩打碳刷約 6%摩打碳刷受潮形成漏電通路，可能引致跳掣。
- 門鎖掣約 4%門鎖掣電路損壞，開機鎖門時可能跳掣。
- 排水泵約 3%排水泵絕緣損壞，排水時可能漏電跳掣。
- 電子板約 3%電子板電路短路，可能令洗衣機開機跳掣。
最常用嘅零件編號
屬於邊個系統
「跳掣」有時都同呢啲系統有關：
驅動系統：啤鈴、斷軸芯同波箱 Fixes 唔做。
Fixes Baby 話你知：洗衣機「跳掣」
Fixes Baby 話你知
最有用係記低佢喺邊一步跳：一插電就跳、加熱緊、轉緊、排水定焗乾，每一步指向唔同零件。如果部機冇開都會跳，記得講埋，有可能係插座或者屋企電路，師傅會先分清楚。
洗衣機「跳掣」，報價之前自己可以試
做之前記得熄機、拔插頭。試完都唔得，就撳「報價維修」。
- 先停用，唔好再試
唔好反覆推返電掣，亦唔好換插座再試洗衣機。只有手、地面同插座都乾爽，而且插頭冇燒焦或破損、毋須搬機就掂到，先關插座掣再拔插頭；唔符合就唔好接觸，交由電工處理。
- 望清有冇水漬焦痕
唔使搬機或拆蓋，喺乾爽安全位置望吓機旁有冇積水、插座附近有冇焦痕，留意之前有冇聞到燶味。有異常就記低，唔好摸插座、抹機旁積水，亦唔好用風筒吹乾再開機。
- 記低跳掣前做緊乜
回想係一插電就跳，定洗緊、排水或脫水時先跳，將記得嘅情況寫低。如果之前仲有漏水或異聲，一併講清邊樣先出現；唔使為咗確認程序而再開機。
洗衣機「跳掣」，最常做嘅維修
一個問題，通常只需要做其中一項。價錢係由幾多錢起；唔同牌子、型號會有出入，最終以師傅上門檢查為準。撳入去睇每項工序嘅細節。
前置式、上置式洗衣機6 項
日式洗衣機3 項
成功維修就唔收上門費；維修唔到，或者聽完報價決定唔整，就收上門費。
常見有「跳掣」嘅型號
呢啲型號嘅維修紀錄入面，「跳掣」排得好前；唔代表佢哋特別易壞。
有關洗衣機「跳掣」嘅常見疑問
跳掣係咪代表成部洗衣機壞晒？
唔一定，可能只涉及個別零件或線路，亦可能係屋企供電問題，要檢查先分得清。未查到原因之前，唔可以單憑跳掣就判定要換機；如果最終需要返廠大修，維修兵團唔承接呢類工程。
點解洗咗一陣先跳，唔係一開就跳？
洗衣機唔同階段會用到唔同零件，有啲問題要到加熱或轉動時先出現。天氣潮濕亦可能令原有問題更明顯，但唔可以就咁當成天氣問題，等乾返就繼續用。
如果師傅上門嗰陣冇跳掣，仲查唔查到？
仍然可以檢查，因為有啲故障只喺受熱或受潮時出現，師傅會按情況檢查零件絕緣同線路。不過未必一次就搵到原因；即場冇跳掣，只代表當時未重現，唔等於已經修好。
如果唔係「跳掣」，會唔會係呢啲？
維修實錄
洗衣機開機跳漏電斷路掣？上門維修全記錄🔧
呢位客人遇到嘅問題係：洗衣機開機時跳掣。維修兵團嘅劉師傅上門，極速更換焗乾發熱線同埋一併清理機內積塵，確保部洗衣機安全無患
維修兵團知多啲
七條問題，一分鐘睇完
代理幾多個牌子？係客服定師傅報價？會唔會外判師傅？可唔可以今日上門？（記得開中文字幕）
再睇
我哋點做
- 唔用翻新零件換上去嘅唔係翻新貨，亦唔係拆機件。
- 舊零件交返你換落嚟嗰件交返你手，你親眼睇到。
- 自己培訓師傅唔外判，上門嘅係我哋自己跟開嘅師傅。
資料更新：
洗衣機「跳掣」，
而家就問。
上門維修同零件銷售只限香港